Tulli Kohto ette perrismaiapiddaja Gustav Friedrich Tarrask ja kaiwas henda pumeistre (podrätsiku) Jaan Talla wasto, kea ütte härbani Tarraskile ehhitada wötnud ja se tö man holetu ning wimati ärralännu ja nimmelt.

1, ei olle Jaan Talla ni kuis Kontrahtis ärrakonneltu 25 Julini 1865 sedda maia walmis tennu.

2, ei olle temma 6 mehhega ni kuis kaubeltu allati tö man olnud, ent Jaan Talla issi allati tö mant ärraolnud.

3, ei olle Jaan Talla sainu lodi perra tennu ni kuis se kontrahtin kirjotud om, kuis ka maia nukkad wägga halwaste tettu

4, noudis Tarrask, et Jaan Talla temma maia 4ja näddali sees walmis teeb ja parreminne ja illusamad tööd teeb kui sia aiani, ehk tahhab temma ärra minna, siis massab Jaan Talla Tarraskile jallamaid se wõlg ärra, mis temma Tarraski käest se tö päle prowi anti kuis ka selged rahha rahha om ette wälja wõtnud.

Sai ette noutud.

Jaan Talla, et temma ollewad haige olnud ja ei ollew weel praegu mitte  terwe, selle ei woiwad temma sedda henda päle wõetu ehhitus mitte ennam eddesi tetta, tunnistas ka isse ennast eest nimmetetud punktide wasto süüdlases ning palles Tarraskit, et temma temmaga ärraleppis ja tedda lahti lasses.

Temma ollew mis Tarrask ülles andis Tarraski käest wälja wötnud:

sedda rehnungi tunnistas Jaan Talla töttes.

Leppisiwa Kohtu man niwisi:

et Tarrask tedda Jaan Talla walla lasseb, ilma et Tarrask kuis ka Jaan Talla Tarraski wasto middagid wastastikko nõudmist ennam ei sa ollema, ent kiik ni jääb kuis nende assi prilla saisab ja niwisi üttest lahkuwa.

Sai ni kuis nätta kiik protokolli üllespantu ja leppiad kohtu eest ärra lastu.

Moistus etteloetud saiwa ärra lastus.

PäKohtu assemel Kohtomees Jaan Luck XXX

Kohtumees Jaan Peetsu XXX

Abbi Kohtumees Juhhan Wisk XXX