Sellsamal päiwal 1. März 1885

Man olliwa neesama.

Ette tulli bürger R. Grünberg Karaskist ja kaibas et ? Weebruar. s.a. om tema puukoormaga mõtsast kodu tulnu ja Karaskist Miku talo sulane Kusta Prüüs om ka koormaga wasta tulnu ja teda kaibajat tee pääl teotanu ja sõimanu nimelt: Kas sina Kurat teed ei või käända ja weel muid sõnno kaibaja ütelnu: Kes sina siis õige olet? selle pääle ähwardanu Kusta Prüüs: lori sina kurat weel siis sa saat, rusikut üles töstnu ja suuri jõlli silmi tennu. Tõise wasta tuleja omma kiik ilosaste mööda lännu ja sügawa lume perast mööda awitanu - tunnistaja selle teotamise man Johan Raig, Jakob Mõttus Karaskin Ja Mihkel Loodus Krootusest kes ka Kusta Prüüska üten olliwa. Kaibaja palles et et kaibataw karistedus saas mes säädus ja õigus om.

Otsus: Kusta Prüüs Johan Raig, Jakob Mõttus ja Mihkel Loodus ette kutsu.

Pääkohtumees  /allkiri/

Kohtumees     /allkiri/ J. Roht

                         /allkiri/  J. Ratnik

Kirjutaja    /allkiri/