Kaiserlikko Kihhelkonna Kohtu Juhhatamisse nink Sädusse pohja päle tulliwat tämbatsel päiwal üllewannimmitetud Mehhed Wallawannemba Kutsumisse perrra kokko, et tolle ülle saas Nau peetud, kas need Ahjawalla kats tütrikut Marri ja  Ann Willipson, Sössaritze, kea omma halwa Ello perrast mitto körd ommawa Trahwi alla langenud, peassid Riigi Wallitsusse Hoole alla antama wai mitte. Need Süüd mis nee Tütriko tennu, ommawat

1. Marri Willipson, 25 ajastad wanna, ei olle mitto aigo taggasi kindmaad Teenistuse alla heitnu, wait hulkumisse päle lönu, körtzide sisse joomisse pääl läutud ja muud häbbemata Ammetid piddamas, kelle perrast temma jobba wiis ajastad taggasi lapse saanu ja kelle Uelleskaswatmine surembas Jaos Walla päle tulnud, sell sammal ajastal piddi Wald tedda halwa tõbbe perrast Liina Lazaretti pannema ja olli temma sääl 6 kuud aigo, kelle eest 79 Rubl. 95 Kop. piddi maksetud saama, ja kah nüüd ellab temma omma halwa Ello eddessi, kelle läbbi temma tunnistust annab et ütski Nuumaminne, tedda õige tee päle sädi, ei olle awwitanu nink wäega woimalik om, et temma eddessipiddi woib Wallale weel surembat Kahju tetta.

2. Ann Mollok (Willipson) 15 ajasta wanna, ei teeni üttegi perremeest niida, et temmaga wois rahho olla, selle et temma egga Tööd rikkub ja Perremehhele kahju teep, wait warrastas kikki suggumist asju Majast ja müüb ehk häwitab neid ärra; sai weel ilda aigo Wargusse eest ihho trahwi, ent ei näita mitte parrandamist wait nisuggust samma Ellowiit kui temma sõssar Marri; ilda aigo päle trahwimist olli temma, kui jälleki mond süüd tennu, Perremehhe poolt ärra lännu ja terwe Näddal ümberhulknu ilma et temma ütlep kos temma olnu; kelle perrast pellata om, et kah temma wiimate woib Wallale Kahjuks olla.

Päle too, kui Wallawannemb neede katte Tütrikude halwa Ellowiit ja Süüdisit olli Wallawallitsussele ette pandnu, sai se Nau kinnitud, et surembat Kohhut, mis selle läbbi sünnib, palleda: et nisuggutsid kõlbmata Naisterahwast ni kui Marri ja Ann Mollok (Willipson) Riigi Wallitsuse Hoole alla anda.

Et se niidaom, kirjotiwa omma Nimme alla:

Jaan Koor XXX Peter Laar XXX Peter Watzar XXX Jakob Naggel XXX

Jaan Lokk XXX Jürri Türmann XXX Jaan Piir XXX Jaan Naggel XXX

Jaan Pallo XXX Jaan Rihm XXX