Kahkwa kog kohtu een sel 26 julil 1867

Andis se mõisawallitsus se walla perremeistele teda, et Jürripäiwast 1868 saab puhhas rahha rendi kondrakt kuwe aasta pääle.

Renti nõudas:

Kuuksi

Sülgaja

Kürsa ja

Suure Wiirksu kattesa "8" rubla hõbbetat tadrest

Tõiset külla säitse "7" rbl hõb tadrest

Kel kodrakti omma ehk kõnneldu om wõiwa tolle aja pääle saisma jäda. Mõisa wõttab rendi rahha eest ka tööd wasta, kes tahhab tetta ja massab:

ütte wakka röa lõiguse eest (üts rbl kattesakümend ) 1 r 80 kop

ütte wakka tõuwowilja eest (üts rbl kuskümend) 1 r 60 kop

ütte wakka kartohwli wõtmine wiis rbl 5 rbl

ütte wakka ristikhaina kokku pandmise ja sisse weddamise eest (üts rbl kattesakümend) 1 rbl 80 kop

päiwa sitta weddamine (säitsekümend wiis) 75 kop

üts sülli üttehallu puud 7 jalg panda mõisa pirin lõigata ja weddada üts rbl 1 rbl

Palgest 4 süld pikka paksusest ladwa otsast - tolli eest -  (pooltõist) 1 1/2 kop

kes rendnik neist töödest tahhab wütta peab sedda Kündlepäiwas mõisale teda andma, mes tööd ja kui palju.

Edimane pool renti om Kapstamarja päiwas nink tõine pool Mihklipäiwas eggal aastajal ette massa. Tallomade müimine jääb tolle pohja pääle saisma mes ta sädus om kinitanu. Sülgaja  ja Kürsa küllaga ei olle weel õige selge kas neil saab kondraktit antus wai mitte. Päiwa pääle andus üts sülli (pooltõise arsina pikkahallu puud). Maja pääle üts koorm pirrupud ja üts koorm saibat.

Kes ei tahha omma maad selle pohja pääle eddesi piddada peab katte näddali perrast sedda mõisale kulutama.

Mõisawalitsusse nimmel

A. Zärens

Se wõib olla, et Wõika karjamõisa saab rendi pääle antus ja mõisa sullasse, kes sääl maa pääl ellawad, ei tahha tullewast Jürripäiwast nakata (suurde) mõisade tööle käima, sis wõiwa ka puhta rahharendi pääle jäda, kui maswa mõisale ütte suwwe jalla päiwa eest "50" kop nink talwe jalla päiwa eest (kolmkümmend wiis" 35 kop hõb. Hone peawa essi hehhitama nink kattuse kõrran piddama. Pärahha ei massa mõisa ennamb neide eest.

15 augusti kuu päiwäni sel ajastal om neil aiga mõdelda, kas tahdwa jäda ja kui wisil ehk tahdwa maad ärra anda käest.

Mõisawallitsusse nimmel

A. Zärens