Ette tulli wallawannemb J. Kuk ja and ülles et eila ladu pääl Jaan Küppäs tappelnu nink kui wallawannemb keeldma lännü nink kinni wõtta lasknu, sis ähwärdanu wallawannembat et kui wallawannemb Wõrrule tulle sis minna tahha temma luu unnikohe panda nink kui tedda kohtumaija toodu, sis ähwärdänü wallawannembat Wõrrol kommissinni man pistoliga laske ja ollewat tunnistaja Jaan Lõiw ja Jaan Tee nink Karl Lõhmus ja Peter Tutt ja Karl Pilt nink kui nakkanu kohtumaja manno tooma, sis ajanu omma jala wankri wahhele ja tahtnu omma jalga katsgi murda.

Jaan Lõiw tunnistas et Jaan Küppäs ähward wallawannemb luud unnikohe panda ja waitsega suud lahki kisku nink pistoliga laske ja kohtumaija ärra pallotada.

Jaan Tee tunnistas nisamma. Karl Lõhmus tunnistas et Jaan Küppäs ähwärd wallawannembat Wõrrol pistoliga laske et temma om eddimätsen klassin egga temma soldatis ei lähhe.

Jaan Küppäs ütles et minnol ei olle melen kuis se assi eila olli ent wallaeannembat minna ei olle ähwärdanü.

Otsus:

Selle sure ähwärdamise perrast Jaan Küppäs Ütte Keiserliku Wõrro Maakohtuhe saata.

Pääkohtumees A. Wähhi [allkiri]

Kohtumees

Kohtumees Mihel Ugur [allkiri]

Kirjotaja Jõggewa