Ette tulli Jaan Ramp ja kaibas et temma Andre Terreski käest om pilli kätte sanu mes temmäl Siegerti tarren karbin om olnu ja ärra kaddonu nink nõwwap tedda trahwida.

Andre Terresk ütles et minna osti se pilli Johann Pappi käest 4 Rbla eest nink Andre Terresk leppis nüüd Jaan Ramp'iga et massis 1 Rbla 50 Cop. Jaan Rampile et se tedda kohtu küünisest enne prii jättäs ent tunnistajaid selle ostmise man kül suggugi es olle nink rahha es massa minna ka wälja sest minna wõtti enne se pilli et kui ärra parranda lasse, sis massa temmale 4 Rbla.

Johann Pap ütles et temma ei olle mitte Andre Terreskile pilli münü ja ei tija sest asjast middagi.

Johann Siegert kaibas ka et temmal ka sel kõrral aidast kus mitte tabba een ei olnu, ärra kaddonu kui sullase Jaan Rampi pill ärra warrastedu 1 zaeraud, 1 kirwes, 1 purrask ja 1 wastne raud labju nink arwap ka Andre Terreski päle sest et selle käest ka Charmonica pill kätte sanu.

Andre Terresk ütles et temma ei olle ka Siegerti asju warrastanu nink ei tija neist middagi nink et minna Johann Pap käest se pilli olle ostnu selle ülle tahha minna wanduda.

Moistet:

Andre Terresk ja Johann Pap sawa kumbgi 15 witsa lööki sest et arwata et ne mõllemba selle pilli wargusel omma olnu.

Se moistmine om §773 ja 774 kulutedu.

Pääkohtumees A. Wähhi [allkiri]

Kohtumees K. Lõhmus [allkiri]

Kohtumees Mihel Ugur [allkiri]

Kirjotaja Jõggewa