Ette tulli Hindrik Nestor ja kaibas et Hindrik Wähk temmale ei ollewat täwweste poolt maad temmale kätte andnu nink temma Nestori maa päle ka lasknu Karl Linnasel 2 mõõtu kara kara tetta lasknu nink temma se kara ärra põimnu nink Karl Linnas jälle ne kara ärra wõtnu nink nõwwap nüüd 5 Rbla selle maa teggemise eest.

Hindrik Wähk ütles et minna möije jo talwel se maatükki Karl Linnasele ent perrast üttel jälle et sedda maad om weidi nink minna lubbasi temmäle weel manno anda nink perrast olli Linnas kewwade ilma minno näütämata sedda maad essi ennamb tennü koggemata nink minna lubbasi ka sis Hindrik Nestorile tõisest paigast ni paljo maad assemele anda, ent Hindrik Nestor es wõtta mitte.

Karl Linnas ütles et Hindrik Wähk and ja juhhat minnole se maa tükki.

Moistet:

Hindrik Wähk peap 80 Cop selle maatükki andmise perra Hindrik Nestorile masma.

Se moistmine om §773 ja 774 perra kulutedu ja oppusleht wälja antu.

Pääkohtumees A. Wähhi [allkiri]

Kohtumees K. Lõhmus [allkiri]

Kohtumees Mihel Ugur [allkiri]

Kirjotaja Jõggewa