Protokolli Nr 77 perra tulli ette Peter Janit Wastselaitzenast Peter Janit ja ütles välja et minnol olli kül eddimält Illi weski rendi tü nink sis rentse minna jälle Jakob Janitile se weski wälja nink nida:

1. Eddimäst jaggo wastse rendis minno kätte anda

2. Tõist jaggost omma rahha kätte sada mes ta olli lainanu

3. Teenride palga tassoma nink kiik pudusi täütmä

4. Neljandast jaost hendale kapitali soetada

nink selle perra piddi Jakob Janiht se Ilse palga masma nink ei olle ka minna Ilse Jurgit mitte kaubelnu nink ka temmäle palka lubbanu. Jakob Janiht ütles et se tunnistus om wõls minna ei olle Ilset leppinü ei ka temmale palka masnud nink se 2 Rbla mes temma minno käest om sanu, sedda olle minna temmale lainanu.

Moistet:

Tunnistuse perra om sis Jakob Jahnit se wirthschafti wai maja piddaja olnu nink ka se tüdriku lepnü nink ka 2 Rbl. palka ärra masnud, sis peap Jakob Jahnit sedda leppitü palka 78 Rbla Ilse Jurgisele weel 2te näddala perrast täämbätsest päiwast arwata wälja masma ent selle ärra ajamise man ei olle tunnistust ja jääp moistmata.

Se moistmine om §773 ja 774 perra kulutedu ja oppusleht wälja antu.

Pääkohtumees A. Wähhi [allkiri]

Kohtumees K. Lõhmus [allkiri]

Kohtumees Mihel Ugur [allkiri]

Kirjotaja Jõggewa

Protokoll wälja sanu sel 1 Septb. 1882

Jakob Jahnit om ärra koolnud, ent et Jakob Jahnita warrandus kui wele Peter Jahnita kätte jäije sis pand se kohhus Peter Jahniti rahha moisawalitsuse kätte Jürripäiwal 1884 aast 78 Rbla kinni nink moisa walitsus piddi se 78 Rbla kuni 27 Juni 1884 aastal kinni ja massis kohtu noudmise perrä kogokonnakohtu katte ärra ja kohhus and se rahha sel 29 Junil 1884 Ilse Jurgis kätte ärra, sest et Peter Jahnit enamb selle üle es kaiba.

Ilse Jurgis XXX