Leidandmed | EAA.3369.1.1 |
---|---|
Kaader | 28 |
Daatum | 11.04.1867 |
Protokolli number | 34 |
Protokolli teema | 8. Varavastased kuriteod |
Märkused |
Kahkwa kog. kohtu een sel 11. aprilil 1867.
Todi sija kohtu ette soldat Widu Koddawand, kes Wõbsu küllast ütte kappi seest olli kinni wõedu ja arwatas, et temma om se Parma Josepi hobbese ärra warrastanu. Soldat Widu Koddawand ütel, et temma 5tal oktobril om koddo lastu ja pilletit temal ei olle. Om Wõrrole makohtu pääle jäänu ja kohtust ei olle temmale tõist wasta andu ellamise tarwis. Ja temma om ilma nimmetamata aja pääle lastu ja temma olliwat ennambist wenne pole pääl Mäeusaja Mikka pool henda ülles piddanu ja Widu ütleb henda närtsega kaubelnu ollewat. Widu om ollu wimatse talliste pühhil ütte 6 aastase kõrwi runaga Nitsiku kõrzi man ollu ja temma saan ja look om sina jäänu ja Widu om palja hobbesega ärra päsnu. Ja nüüd om sel 10 aprilil Widu Wõbsu küllan seppa pool ütte kappi sees lukku tagga ollu, kost tedda Kahkwa wallawannemb ütte wenne kohtumehhega om wälja wõtnu. Widu ütel, et temma ei olle omma rahwale tahdnu henda näidata.
Widu sai läbbi otsitus ja leiti rahha 38 rubl mes temma kohtu lauwa päält ärra hard ja suhhu ajas ja enam kätte es sa.