Nr 46 Kahkwa w. kohtu een sel 39. August 1866.

Kaiwas Jürri Sild et Karpsepa Jakob om temmale se kewade 1. wakka alla maad tõuwus tetta andnu ja perrast kui ma om ülles künetu ollu om Jakob üttelnu et temma ei anna ja om ärra äestanu. Sis om J. Sild mõisa tullu ja mõisa walitsusele sedda asja kõnnelnu mõisa valitsus om käsknu kohtumehele kõnelda sis om Jürri Sild Peep Lepmanile kõnnelnu ja Peep om J. Karpsepa käest perra kullelnu J. Karpsep om ütelnu et pool sedda maad iks wõik saada. J. Sild om poole pääle sitta weddanu ja erne pääle tennu ent nüüd om J. Karpson temma erne ärra wõtnu.

Wolmöldre P. Lepman ütel ka ni õige ollewa et J. Karpson om ütte wilja pääle se maa andnu.

Ette tulli Jakob Karpson ja ütel et tema on kül talwel lubanu ent kewade om nännu et hindal om maad weidi ollu sis om ärra keldnu ja ei olle ennamb lubbanu et J. Sild om iks ilma kelmata eddesi tennu ja selle om temma nüüd erne ärra wõtnu.

Kohhus mõist et Jakop Karpson om ka walla wölmöldre P. Lepmani een se pool maad J. Sillale lubbanu ja se pääle om J. Sild erne tennu, peab se erne iks J. Sillale jääma.

M. Musting
 

R. Oinberg

J. Lepland