Kahkwa w. kohtu een sel 27 Junil 1866.

Kaiwas Mõisa walitsus et Jaan Oper ei täida mitte omma Lepinkut ja ei tulle mitte Mõisa sitta weddama ni kui temma ne 4 astat jo on tennu mes temma sääl Majan om ellanu.

Ette tulli Jaan Oper ja ütel et temma mitte sitta weddama ei tulle ni kui temma seni ajani tennu om ent temma teeb ni kui tõise külla Perremehhe teggewa et se olles jo sis ni Kõnneldu kui temmase maja om wõtnu ja Temma Welli Daniel om sia sedda kauba teggemise man Kullan.

Kohhus mõist et kui Jaan jo 4 astat sedda wälja om orjanu et se läbbi nätta om et se leping ka ni om ollu peab Jaan ni wälja orjama kui tema jo 4 edimast astat orjanu om. Ja Jaan essi ka kohtu een ütel et kui temal ka lepitu olli ent temma nüüd ei tee sedda mitte.

Michel Musting

Rein Oinberg

Jakob Lepland