Protokolli Nr 84 perra 1881 aastast tulli ette tunnistaja Karl Irbe ja ütles et kui Jaan Witkina naine ärra koli sis kaibas temma minnole matmise päiwal et Johann Ots kigge krami ärra winü nink minna ütli et mes perrast sinna aida wõtme neide kätte annit  sis ütte et nemma wõttiwa wäggisil wisil, ent muud minna ei tija.

II Tunnistaja Andre Silirowa ütles et mattuse päiwal tahtse Johann Ots ja tõiset omatse sedda warranduse jaggamist ent Jaan Witkin es tahha mitte sedda krami jaggamist ette wõtta nink pallel et andge minnole weel 3 päiwa aiga, ent et tõiset perri es jätta sis wõttis Jaan Witkin essi ja jaggi omma käega kiggile omma tük.

Moistet:

Et Jaan Witkin 17 aastat jo Johann Ots ema mees om olnu sis peap Johann Ots kiik se ees nimitu Jaan Witkina naise kraam taggasi andma.

Se moistmine om §773 ja 774 perra kulutedu ja oppusleht wälja antu.

Pääkohtumees A. Wähhi [allkiri]

Kohtumees K. Lõhmus [allkiri]

Kohtumees Mihel Ugur [allkiri]

Kirjotaja Jõggewa