Ette tulli kõrtsimees Simon Zanne ja kaibas et Andre Sok, Michel Sok ja Kersna Erik wõtnu pole tuupi wina lännü Claveri kambrede jonu se wina ärra sis lännü kõrtsi mehhe tüttär ja tundnu et sääl kambrest komodi päält üts klaasmuna ärra kaddonu sis lännü kõrtsimees ka kaema nink otsma ent ei olle löudnu. Siss lännü wälja otsma Peter Windt ja Tannil Semenga nink köüdnü wäljast puuriida sissest ärra nink arwap et ne kolm kiik wargat omma.

Michel Sok ütles et meije ollime kül sääl kambren ja jõijemi wina ent sest munna kaddomisest ei tija ja ei olle ka tedda nä.. minna muud kui kõrtsimees nakkas takkan otsma.

Andre Sok ütles et se munna olli kül sääl akna pääl nink minna kaije weel tedda sis üttel Michel Sok et se munna massap 50 Rbla nink sis panni minna ärra akna päle, ent kes tedda ärra wõttis sedda minna ei tija, muud kui Michel Sok käwwe kül selle wahhe aja sissen wäljan.

Kersna Erik ütles et minna olli kül sääl kambren ja mängse Claverid nink es näe mitte kes se munna ärra warrastas nink kui se minna kätte saije sis naksiwa ka minno käest nõudma nink minna ütli et minnost ei olle täämba selletajat minna selleta hummen.

Michel Sok ütles et sel päiwal wai oddangul ei olle minna sedda minna suggugi nännü nink ei tija kas tedda sääl olli wai mitte.

Tunnistaja Peter Windt ütles et meije löüdsime se munna enne puuriida sissest ärra nink muud minna ei tija.

Otsus:

Tunnistaja Tannil Seme tõises kohtupäiwas.

Pääkohtumees A. Wähhi [allkiri]

Kohtumees K. Lõhmus [allkiri]

Kohtumees Mihel Ugur [allkiri]

Kirjotaja Jõggewa