Ette tulli Johann Ismael ja kaibas et Peter Härm ollewat temmale ütte mulgu pää sisse lönu tarre pühkmise harjaga seö 3 Junil selle perrast mes temma lännu kaema kui Peter Härm Emmy Lustig man magganu nink perrast se teda sanu mõisa pääl sis selle häbbi perrast tedda lönu ja sõimanu jodikus ja horapälikuks nink karjanaine käsknu pessu kattel omma poeal ja Peter Lustigi poegal nink selle päle sis karja naise poig Peter Härm temmale pää sisse mulgu lönu nink Andre Härm ja Karl Lustig ka tahtnu Ann Härma kässu päle lüwwa ent moisa kirjotaja ei ollewat lasknu.

Johann Ismael nõwwap 50 Rbla selle lögi eest walla rahha.

Peter Härm ütles et Johann Ismael wõttis minno kinni rinnust ja zurmis minno nink lahkes minno hamme ärra nink sis leije minno noremb welli Andre Härm ent minno emma ei olle käsknu ja sõimanu ka ei olle.

Andre Härm mansaisja Peter Kerge, ütles et minna leije selleperrast et temma es lasse minno welle wallale.

Ann Härm, mansaisja Jaan Härm ütles et temma ei olle mitte olli poige käsknu Johann Ismaeli lüwwa nink ei olle ka sedda nännü.

Tunnistaja moisa kirjotaja Jakob Janson ütles wälja et se wannemb poig Peter Härm leije sis tarre pühkmise bürstiga Johann Ismaelile pähha kui ema Ann Härm üttel lõika waenlasele nink sis olli ka pauk käen. Peter Lustig tunnistas ka et Ann Härm üttel kül et lõika waenlasele. Karl Lustig tunnistas ka et Ann Härm ütles et lõika nink sis lõigas ka Peter Härm.

Moistet:

Ann Härm peap 2 ööpäiwa türmin ollema ommi laste kihhotamise perrast.

Peter Härm saap 15 witsa lööki trahwis lomise eest ja peap 10 Rbla Johann Ismaelile walla ja rahha rahha masma. Andre Härm jääp priis et arwata et noor om nink om enne oppatu wõlsma et temma ollessi lönü.

Se moistmine om §773 ja 774 perra kulutedu ja oppusleht wälja antu.

Pääkohtumees A. Wähhi [allkiri]

Kohtumees K. Lõhmus [allkiri]

Kohtumees Mihel Ugur [allkiri]

Kirjotaja Jõggewa