Protokolli Nr 17 perra tulli ette Jaan Erik Rogosist ja ütles et päle Micklipäiwa 2 näddalid 1879 oli ütte õddangu Misso mõisan minno assemel üts tutrik nink minna lätsi sinnä maggama nink wisksi tedda omast assemest wälja ent lihhalikult minna temmaga ei olle ellanu ja last ei olle temmale tennü nink ei tunne ka tedda kes temma olli nink wimate tulli temma Rogosi moisahe ja ütles et minna tedda ärra wõttasi ent minna ei wõtta tedda naises.

Liso Laine annap tunnistajas Tannil Luurland Misso moisast. Tannil Luurland tunnistas et se om kül tõtte et Jaan Erik om üts öö Liso Laine man magganu süggisel 1879 päele Michklipäiwa Misso moisan hainu pääl.

Moistet:

Et tunnistaja perra Jaan Erik Lisa Laine man magganu om, sis om arwata et Erik selle laste essa om, sis peap Jaan Erik 40 Rbla Lisa Lainele masma latse kaswatamise rahha 10 Rbla 1881 ja 10 Rbla 1882 ja 10 Rbla 1883 ja 10 Rbla 1884 aastal wälja massa.

Se moistmine om §773 ja 774 perra kulutedu ja oppusleht wälja antu.

Pääkohtumees A. Wähhi [allkiri]

Kohtumees K. Lõhmus [allkiri]

Kohtumees Mihel Ugur [allkiri]

Kirjotaja Jõggewa

Protokoll wälja sanu sel 16 Mai 1881