Wanna Koiola koggokonna kohtun Wissen, sel 7tal märzil 1877.

Man olliwa kohtowan(n)emb, Michel Kurwitz

                    kohtomees, Jaan Plak

                    kohtomees, Karel Tobrelutz

Johann Kriwa kaibap, et Peter Kadde tem(m)a rügga elläjidega ärra söötnu; nõwwap kohto trahwi.

Peter Kadde wastutas:"Minna ei tija sest söötmissest middagi; sest et wie tallo karri kokko käwwe." -

Johann Kriwa üttel:"Minna ollesi kigega rahho; ent selleperrast ei woi rahho jäda, et minna tälle 3 1/2 rbl. kohto otsusse perra olle ärra masnu; se pea minna taggasi sama." -

Jaak Maikalla Ahja wallast and tunnistust:"Kats kõrd näije üts elläi Johann Kriwa röa pääl; ent sedda ei tija; kellel se olli." -

Moistetu: 1, Et üttegi awwalikko tun(n)istust ei olle, et Peter Kadde elläja olles Johann Kriwa röa ärra söönu ja 

                  2, om ka se üts awwalik kiusus, sest et Johann kriwa tahhap Peter Kadde käest sedda taggasi nõuda; mes enniste kohto otsuste perra tem(m)a tälle kahjo tassomisses om om(m)ast käest wälja masnu. -

Otsus: Selle tõise ilma asjanda kiusamisse eest istup Johann Kriwa 24 tundi 14 päiwa sissen selle koggokon(n)a kohto maja türmin kinni ja peap Peter Kadde rahhule jättma; kui üttegi tunnistust ei olle ja essi ennegi tõist awwalikkult kiusata tahhap.

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu.

                   Kohtowan(n)emb, Michel Kurwitz  XXX

                   Kohtomees, Jaan Plak  XXX

                   Kohtomees, Karel Tobrelutz  XXX

                              Kirjotaja, J. Käis