Prottokoll Nr. 7 perra  9.Januarist tulli wöörmündri Peter Sok ette ja ütles, et tema neid liste ei ole löüdnu, kus magasi masmine üles olli tähendetu.

Magasi raamatust om nätta, et 10Oktobril om Peter Linnas masnu 1 Zetw. 4 gar. rükki ja 40 garnitz kaaru, mis ka wallawanemb esi sisse om kirjutanu, ent toll samal päiwal om saanu magasi aidamehest Johan Erik weel magasi listi pääle kirjutedus Peter Linnas mastu 1 Zetw 7 garnits rükki ja 40 garnits kaaru  mis ka Peter Linnas  lap näütas, ent et sel päiwal 2 kõrd om saanu sisse kirjutedus, ja ennegi ütskõrd mastus om saanu, sis om sääl üts wõlssus.

Magasi aidamees Johann Erik ütles, et tema om käskmise perra küll 1 Zetw. 7 garnits rükki ja 4o garnits kaaru kirjutanu, mida Peter Linnas om üles andnu ja om tema seda ka magasi listi pääle kirjutanu.

Wallawanemb ütles weel, et kui Peter Linnas suurde raamatuhe lask kirjutada, ei ole tema mitte magasi lappi andnu, ent perrast om tema jälle kui wallawanembaidast ära tulli, lappi aidamehe kätte andnu ja se om sis lappi pääle kirjutanu ja ka magasi listi pääle mis perrast suurde raamatohe sai kirjutedus.

Se kogokonna kohus arwab, et Peter Linnas om edimalt wilja masnu ja wallawanemb om ka suurde raamatohe ära kirjutanu, ent kui wallawanemb ära tulli, lasknu tema selle ütlemisega et täll weel kirjutamada om, magasi aidamehel magasi listi pääle ja ka oma lappi pääle tõist kõrd kirjutada ja om niida petnu.

Peter Linnas ütles weel, et se Summa om õige, mis 1 Zet,7 garnits näütas kuna enne tema seda edimast Summad 1 Zet. 4 garnits õiges tunnistas.

Mõistus: Et tunnistajide perra ja ka raamatide perra nätta om, et Peter Linnas ammetimehi om petnu ja sellega hendalle kassu püüdnu, sis saab tema 25 witsa lööki selle kohtu een ja  1 Zet. 7garn. saab maha kulutedus.

Se mõistus om § 773 ja 774 perra kuulutedu ja oppus leht wälja antu.

Pääkohtumees K. Lõhmus

Kohtumees Karl Grünthal

Kohtumees T. Pilt

Kirjutaja /P. Normann/

23.Januar P. Linnas ärakirja saanu.