Protokolli Nr 102 perra tulli ette Illi kõrtsi mees Karl Jurgis ja ütles et temma ei olle mitte Jaan Mokrat pesnud. Kristian Weisner ei olle tulnu.

Möldre Janit ka ei olle tulnu.

Otto Pakkis ütles et minna ei olle mitte Jaan Mokrat pesnud ja ei olle ka nännü.

I Tunnistaja Karl Põlgas Wastselinast ütles wälja et Mokra tulli sisse ja küsis pool kortina wina nink kõrtsimees laskis nink nõudse 6 Kop. ent Mokra massis enne 5 Kop. nink sest tulli se tülli nink sis kutsuti Weisner ka sinnä nink sis tõugati minno wälja nink Mokra jätteti sisse nink nakkas tänni nink sis lätsi minna sisse nink olli sis Weisner ja Jakob Janit ent Karl Jurgis es olle joht sääl Mokra säljan enge saisis kõrwal nink Mokra larmitses et se ei olle pool nakla et andgu minule õigus mõõt.

II Tunnistaja Peter Piir ütles wälja et nemma larmitsiwa Mokraga selle ütte keppiga perrast aijewa meid wälja nink Mokra tännit et appi ärra tappetas ent lömist ei pesmist ei olle minna nännü.

III Tunnistaja Michel Kalder ja IV Tunnistaja Jaan Toll ei olle tulnu.

Otsus:

Ne puduwa tõises kohtu paiwas kutsuda.

Se otsus om kulutedu.

Pääkohtumees A. Wähhi [allkiri]

Kohtumees K. Lõhmus [allkiri]

Kohtumees Mihel Ugur [alllkiri]

Kirjotaja Jõggewa