Ette tulli Panikowitsa kandorist Stepan Wassiljew Miiksi küllast  ja kaibas, et temal möldri Pets LInnas käest raha  rbl.65 kop. om saada, mis Linnas temale hobbese raha wõlgu om ja tema nõud nüüd, et se saas wälja mõistetus.

Peter Linnas wastud kaibuse pääle et temal sai se hobbene nii Stepan Wassiljew käest ostetus, et kui hobbesel midagi wikka ei ole sis om se raha massa, ent kui wiga om saab hobbene ilma, käemehe omma Karl Uggur ja Kersna Hollo.

Kersna Hollo üttel, et Stepan WAssiljew om üttelnu et ma müü omma hobbese kelle taht, täll wikka ei ole ja üttelnu ka weel, et tema petta ei tahtwat, ent hobbene om kott pimme.

Peter Linnas ütles weel, et Stepan Wassiljew lubanu taggasi wõtta, ent kats kõrd om tema weenu, ent Stepan Wassiljew ei ole wõtnu ja sõbruse perrast om tema ka ilma täwweste läbbi kaemada ostnu.

Otsus: Karl ja Peter Uggur Wastselinnast tõises kohtupäiwas ette kutsu.

Pääkohtumees: K. Lõhmus

Kohtumees : Karl Grünthal

Kohtumees: Jaan Oppar

Kirj.asemel /Allkiri/