Wanna Koiola koggokonna kohtun Wissen ,sel 16nel junil 1875.

Man olliwa kohtowannemb, Jaan Pihho

                    kohtomees, Johann Keerd

                    kohtomees, Karel Kooskora

Jaan Wiggel nõwwap om(m)a kaddonu welle Johan Wigla perrandussest tem(m)a naise Liis Wigla käest eestsaisja Peter Lutzar man ollekin taggasi sada 1 kruwis-

tik penk ja 2 pikka hööwlid. Sest hööwli pengist lubbap welle naise Liis Wiglale 5 rubl ja 3 rubl om(m)a sõssarele om(m)ast käest wälja massa; nink 100 rubl, mes tem(m)a welli Johan Wiggel Wennemale lainu päle andnu, nõwwap sedda ka hennele om(m)a, sõssarega koko om(m)as, kui käte saap. -

Liis Wiggel om(m)a eestsaisja Peter Lutzar´ga wastutas: Minna elli om(m)a kaddonu mehhe Johan Wiggel´ga 5 aastat abbi ellon, nink kui mulle mehhes saije ,sis olli täl kats kappi, hinna perra 8 rubl; nink üts kuhwli 10 rubl. Tem(m)a essa perrandust saije 19 rubl. -

Ja minno om(m)a warrandust olli een 180 rubl; se rahha om tem(m)a kaddonu kiik ärra kullutanu; nink weel om(m)a poismehhe rahhast 100 rubl and tem(m)a enne minno Wennemale lainu päle. -

Moistetu: Sis perrip Jaan Wiggel nim(m)itet sadda rublat, mes wenne male lainu päle antu om(m)a sõssarega poles, kui kätte otsip; nink 1 suur doppelt ja 1 wäi-

kenne kässi hööwli; ent päle se ka 3 rublalinne wähhemb kapp hennele; ent kruwistik penk ja tõine suur hööwli, nink kuhwli; ehk mes weel weidikesse muido; - perrip Liis Wiggel, kui om(m)a kaddonu mehhe perrandust hennele mälletusses

Kohtokäüjile otsus ette loetu, suremba kohto käümisse sädus § 772, 773 n. 774 perra kulutedu. -

                   Kohtowannemb, J Pihho

                   Kohtomees, Johann Keerd  XXX

                   Kohtomees, Karel Kooskora  XXX

                          Kirjotaja, J. Käis