| Leidandmed | EAA.3257.1.2170 |
|---|---|
| Kaader | 110,111 |
| Daatum | 18.05.1873 |
| Protokolli number | 37 |
| Protokolli teema | 8. Varavastased kuriteod |
| Märkused |
| Kohtumehed | |||
|---|---|---|---|
| Eesnimi | Perekonnanimi | Täisnimi | Roll |
| Josep | Koor | Abikohtumees | |
| Widrik | Harkmann | Abikohtumees | |
| Peter | Kutzari | Peakohtumees | |
| Jaan | Tennosar | Abikohtumees | |
| Jakob | Koppli | Abikohtumees | |
AhjaMoisa Wallitsus andis teada eet selle siin sel 13 Märzil selletud Kaibusse Asja Pihkwa Wiina Woori pääl Wiina Haamide sisse Mulko Teggimisse perrast Moisa Sullaste läbbi, ollewad nüüd rohkemb Tunnistust saanu, nimmelt et se Samo Hindt olles neide Haamide sisse need Mulkud tenno, näudis sedda Asja weel ütskörd selletada ja andsiwad siss allannimmitud Mehhed tarwilist Tunnistust:
1. Jürri Pawel selle Asja perrast küssitud ütles wälja, et Samo Indt tahtno temma Hamile Mulko tetta, ent temma, Pawel, ei lubbanud sedda mitte, selle perrast jänu Mulk teggemata, Aeg olnud kesk Öe, kui Pawel piddinud Wiina Woori wahtima Jöggeso Körtzi een.
Hans Wisk ütles wälja et Peter Killak ollewad temmale Peipsi Jerwe pääl üttelno, et Samo Indt ollewad temma Killako haamile Mulko tenno, nimmelt Lewako laanen.
Peter Killak Suud Suu wasta Hans Wiskuga, selle perrast küssitud, ütles wälja, et temma ei olle mitte sedda Hans Wiskule üttelno, se om, et Samo Indt temma Haami sisse Mulko tenno. Perrast ütles Peter Killak et Samo Indt om küll temma Haamile Mulko tenno, ent wäega ärrakeelnu sedda mitte wäljaüttelda. Mulgo Teggemine olnud jobba Kersee Külla takkan siit poolt Mörsja Silda olnu. Wikkerpuur olnud Samo Intil selle tarbis ütten olnud.
Jaan Jallak ettekutsutud ütles wälja, et Samo Indt om temma Hamile Mulko tenno, nimmelt jobba Mooste Pallon kui Jallako hobbene nattukene perra jäänu, selle päle ommawad siss ÖlleKõrre läbbi Wiina joonu Samo Indt enne ja Jallak perrast.
Andres Põdder selle perrast küssitud ütles wälja, et temma iks sest Ami Mulgo Teggemisse perrast middagi ei tia.
Samo Indt ettekutsutud ja neid Tunnistagide Wäljaütlemine temmale ettepantud, ütles wälja et temma ei olle mitte neide Haamide Mulko tennu.
Sai moistetud; Selle et Jallak ja Killak eddimetse Selletamisse man köwwaste Salgsiwad mitte teada, kea neide Haamidele Mulko tenno ja nüüd jälle üttlewa et Samo Indt sedda tenno olles peab Jallak 1 Rubla Haami Parrandamisse est Moisale ja 1 Rbl Trahwi Wölsimisse est Wasteladiko sissemaksu ja Killak 1 Rubla Hami Parrandamisse est Moisale ja 1 Rubl Trahwi Waasteladiko sisse Maksma.
Se Moistminne sai §772 & 773 järrele kalutud.
Peter Kutzari XXX Jaan Tennosar XXX Wid Harkmann XXX Josep Koor XXX
Jakob Koppli XXX