Kaibas Reino Peter et Torga Peter om lasknu temma Puiedest Mötzast 1/2 Süld hindale koddo widdada, pallel ommi Puid kätte saia ja Torga Petred trahwida. 

Torga Peter ettekutsutud ütles wälja, et temma sest middagi ei tia, wait enneki ommi Sullaste läbbi lasknu ommi Puid koddu tuwwa.

Tunnistaja Jaan Matson ütles wälja, et temma om Torga Petre sullasel Nimmega Jaan Haelm näidanu neid Puid koddo widdada, ketti temma kui minnewa ajastane Torga Petre sullane temmale, Torga Petrele, minnewa ajasta üllesraggonu, selle päle warsti Mötzast koddo läinu, nink ei tia mitte, kas ehk Jaan Haelm waist kah Reino Peter Puid ärraweenu.

Jaan Haelm küssitud, ütles wälja, et temma toll körral 2te hobbesega kattekörraga enneki neid Puid koddo weenu, ketti Jaan Matson temmale näidanu.

Jakob Abbenik küssitud, ütles wälja, et temma se Reino Peter sulane om, nink kui temma Mötza Puie perra söitnu, kea 2 tunni enne sedda weel sääl olnud, läudnu temma et Puu jobba ärraweedut, warsti Jälgide pääle saanu ja neide perra söideten saanu temma Torga Petre sullase Jaan Haelmiga kokko, kea puiega söitnu; kui temma nüüd üttelnu, et nee temma Perremehhe (Reino Peter) Puu ommawad, om Jaan Haelm üttelnu, et nee temma Perremehhe (Torga Petre) Puu ommawa; sedda samma üttelnu siss Jakob Abbenik kah omma Peremehe Reino Petrele, kea warsti Torga Peter poole läinu ja 1/2 Süld puid koddo toonu.

Sai moistetud: Reino Peter peab pool neidest Puidest Torga Petrele taggasi andma.

Se Moistminne sai kulatud §772 ja 773 jarrele.

Peter Kutzari XXX Peter Akkert XXX Jaan Tennosar XXX Josep Koor XXX

Jakob Hanson XXX