Leidandmed | EAA.3257.1.2170 |
---|---|
Kaader | 100 |
Daatum | 13.02.1873 |
Protokolli number | 17 |
Protokolli teema | 8. Varavastased kuriteod |
Märkused |
Kohtumehed | |||
---|---|---|---|
Eesnimi | Perekonnanimi | Täisnimi | Roll |
Josep | Koor | Abikohtumees | |
Jaan | Tennosar | Abikohtumees | |
Jakob | Hanson | Abikohtumees | |
Widrik | Harkmann | Abikohtumees | |
Peter | Akkert | Abikohtumees | |
Peter | Kutzari | Peakohtumees |
Sell sammal päiwal tulliwa ette ja kaibasiwad Perremehhed Nagla Jaan, Nagla Hindrik ja Kodapolik Michel Sakk, et neil Kastre Soo päält Kastre Moisaga ütte tettu Hainadest om ärrawarrastetud:
Nagla Jaanil , kuhja Perra ehk | 1 Koorma |
Nagla Hindrikul, uts Kuhhi ehk | 1 Koorma |
Michel Sakkil, uts Kuhhi ehk | 1 Koorma |
ja anniwa ülles, et nemmad Jälgide perra seni kui Könno Külla Perremehe Kangro Jakobi manno saanu ja sääl läudnu ommawa just nisukutsi haino, ni kui neil warrastetu.
Kangro Jakob ettekutsutud ja se Asja perrast küssitud ütles wälja, et temma ei olle mitte neide Meeste Haino warrastano, ollewat küll neide päiwi sissen Kastre Soost 3 Kormad haino toonu, kea agga perris omma tettu haino olnud.
Kohtomees Peter Kutzari ütles wälja, et kui temma Kaibajade Palwemisse päle se Kangro Jakobile Käsku andnu, et temma peab neid Kuhja Pessasid näitama, kost temma omma haino toonu, om Kangro Jakob sell Kässule wasta pandnu.
Kangro Jakobi sullane Johan Paddar ettekutsutud ja se Asja perrast küssitud, püüdis eesmalt köwwaste sallata, perrast agga ütles wälja, et temma Perremes om neid 3 Kormid haino Kastre Mötsawahhide Kiwisare Johan Mitra ja Aggari Karl Käriko käest 9 Rubla est ostnu, ni just ni paljo haino saanu, kui üllewan seisab ja kah just nida olnud: 2 weikeissi Kuhja eggaüts korma suur ja üts Kuhja Perra üts korma suur.
Kangro Jakob ettekutsutud ja se Tunnistus temmale etteloetud, tunistas kah nüüd ärra, et temma küll nüüd arwo saap et need warrastetu Haina ommawad olnud, ent kui temma neid Kastre Mötsawahhide kaest ostnu, ei olle temma sedda mitte teada.
Sai moistetud: Kangro Jakob saap 30 hopi Witsu ja peab maksma warrastetu hainade est:
Nagla Jaanile | 5 Rubl |
Nagla Hindrikule | 6 Rubl |
Michel Sakkali | 6 Rubl |
nink egga ühhe Mehhele weel kats Rubla Wargusse Perra Otmisse Waiwa ja kullo est, nink sullane Johan Paddar sap 10 hopi Witsu.
Se moistminne sai §772 & 773 järrele kulutud ja Kangro Jakob ja Johan Paddar ärratrahwitud.
Peter Kutzari XXX Jaan Tennosar XXX Wid. Harkmann XXX
Peter Akkert XXX Josep Koor XXX Jakob Hanson XXX