Pangodin kogokonna kohus sel 4 April 1875

Man ollit: 

Peakohtomees: Peter Küllots

kohtomees: Jaan Tilik

kohtomees: Johann Tido

Wanna Ottepa Märt Pukk tulli ette nink andis kaibuses. et minnewa Redil sel 28 März s.a. tahtno temma Tarto liina omma hobbost müüma nink länno mööda minnen Pangodi kõrtsi manno sisse, seal ostno kõrtsimees Jürri Päiw 17 rubla eest temma hobbose hendale. - sealt tähtno temma ärra koddo soita ja olno poja Andrese jaggo hobbose eest ent kõrtsi mees Jürri Päiw tedda mitte ärra tulla laskno enge Märt Pucki kõrtsi sisse weddano ja wiina temale wäggisi pakno nida et wannamees purjo jääno selle aja sissen olli wäljast temma poja Andrese hobbone ärra woedu kellega koddo tahtno sõita, purjon ollekin olli Märt Puck olli maggama jääno, magamise peale tulno kõrtsi mees tedda kiskma ja wõtno wäggisi temma püksi taskust se hobbose raha 17 henda raha olno 3 Rubl ärra sedda nänno temma selgede

Enne maggamist ja raha ärra warrastamist tulno Unnipicha mees Peter Pruli nink tahtno wäggisi poja jaggo hobbost ärra osta perrast kaddono ka se kige hobbosega ärra, ei ütle sest teedwat kas se hobbose eest rahha sai temma kätte ehk mitte; wimate ütleno kortsimees temmale et Unnipicha mees Peter Pruli 40 Rubl eest ärra ost, ütles kui kül wahest se raha ka temma kätte ollesi saano sis olles ka Jürri Päiw sedda ärra wõtno sest ei ollew middagi meles

Tunnistajat es olle rahha wõtmise ega selle peale kas hobbose raha temma kätte anda muud kui Johann Obet, kes nännu kui Kõrtsi mees Jürri Päiw wannameest koddo mina ei laskno ja kõrtsi tagasi kiskno

Kõrtsimees Jürri Päiw wastotas et Märt Pukk tulno temma kõrtsi manno nink müino üts wakk kaero kõrtsimehele peale se müno ka henda hobbose 17 Rubla eest wannamees Märt Buk pandno se raha omma tasku se peale wõtno Märt Pukk pool toobi kimmelt, üts korten prostoi ja pool nakla kimmel napsi ja tahtno koddo minna Johann Rammiga et henda mollemba hobbose olliwa ärra müidu, ent jätno üts kortene ja toobi õlle raha massmata selle perrast ei laskno kõrtsi mees wanna meest koddo minna enne kui ollesi ärra massno perrast jääno kotti peale Märt Pukk ette kõrtsi pikkali ent mitte ei maggano 

Kõrtsin olno ka paljo tõisi rahwast, ütles et tema Märt Pukki rahha mitte ei olle wõtno, ja tõise hobbose rahha 40 Rubl pandno Mert Pukk henda tasku seal olno paljo toisi mehi ka man.

Se poja jaggo hobbose ostja Peter Pruli ütles et temma awwalikult Mart Pukki kaest 40 Rubla eest ostno olno käemees seal man kõrtsi mees Jürri Päiw ja Jacob Kuck nink pealt kaeja olno Johann Obet, Märt Pukk pandno se raha omma tasko, sedda woiwat ne mehe tunnistada ja Märt Pukk sest middagi ei ütleno, et temma sedda hobbost es olles müwwa wõino kogoni purjon ei olle ka sel kõrral mitte olno rohkem sest middagi ei teedwat

Otsus

Saab Tunnistaja Johann Obet ja Jacob Kukk tallitedus ja een tullewel kohto päiwal arraselletedus Otsus sai kulotedus.

Peakohtomees: Peter Küllaots XXX

Kohtomees: Jaan Tilik XXX

Kohtomees: Johann Tido XXX

Mert Puk Prottocol d 16 Mai 1875 erteilt