Josomoisan sel 14. decembr 1865. -

                                                     Koon olliwa Kohtomehhe Ado Kehrberg  Jaan Tilger ja Hans Saks. -

Moisa wallitsus om ette tulnu nink kaibanu, et moisa rehhe mant om puhtid karo warrastedu; - nink et rehhe pap Jaan Ollesk ja wiskaja Jacob Müürsep ja Josep Küppas sel kõrral rehhe man omma olnu. -

Rehhepap Jaan Ollesk om ette kutsutu temma ütlep: Õddango saije willi rehheman puhtas ja minna käske wiskajil wilja ärra moisahe wija, - wiskaja minno käsko es kule ja lätsiwa koddo ärra; - minna pandsi rehhe warrad kinni ja heidassi õddango maggama. - 

Hommongo tulli enne walget ülles lätsi rehhe alla ja löise, et rehhe al unnik laijale olli aetu ja karo warrastedu. - Perrast tükki aja perrast tulli Josep rehhemanno olli puddeliga wiin ja pakse minnole ka wina juwwa

Tunnistaja: Kõrtsimehhe sullane Ado Kehrberg ja Jacob Müürsep ütlewa, et Josep om sis õddangol üts mõõt karo kõrtsi wenu nink kõrtsi-

mees om wasta wõtnu: -

Moistminne: Moisawallitsus arwap sellest rehhest 10 wakka karo puduwat, nink nõwwap selleperrast 10 rbla ent kohhus om nida moistnu:

                       et Josep Küppas essi om tunnanu, et ta sedda mõto karo om  warrastanu mes tem(m)a kõrtsi om wenu, - nink et kõrtsimees 

                       selle man nisama paljo süüdlane om sest et temal lubba es olle moisa wiskajiide kääst wilja wasta wõtta sis peawa nem(m)a 

                       mõllemba 2 rubla moisale wargusse eest masma ja koggokon(n)a waeste ladiko 1 rbla trahwi ent Jacob Müürsep om selle eest 

                       süüdlanne, et tem(m)a õddango wilja moisahe ärra es wi; nink rehhepap piddi sedda asja sis õkwa kui tema löidse et rehha alt 

                       warrastedu olli hommongo warra moisawallitsussele teda andma, ent et tema selle man holetu ollij ja enne teemist es anna

                       kui päle lounat; selleperrast peawa sis Jacob Müürsep ja rehhepap jälle tõine tõise rubla moisale masma. - 

                       Niida et sis ülle kige moisale selle wargusse eest peap 6 rbla hõbb mastus sama. -

                                                              J Kehrberg kirjotaja