Pangodin kogokonna kohus sel 31 Jannuar 1875

Man ollit

Peakohtomees: Peter Küllots

Kohtomees: Jaan Tilik

abbikohtomees: Johann Tido

Kaibas Johann Kotkas et temma Kähni küla Koolmeistrele Tõnno Mölderel ehitannu üts elaja Laut nink põho Küün ütte kattuse alla, kelle surus ollo 5 sülda pik 2 1/2 sülda lai, nink  ollo leppito palk sele töö eest 80 Cop ruut sülle pealt sainast moeta, nida et ülle kõige se töö palk 14 Rubl wälja teeb, sele eest pidinu ka kattus, Lagi, usset ja aknat tettu ollema, sest palkast ollew temma üts Rubl käerahas kätte sanu, nink 13 Rubl weel sada om kedda Tõnno Mölder mitte ärra massa ei tahtwat.

pealeke wiwitannu Koolmeister tööga, nink ei tonu Materiali mannu, et olles wõinu õigel ajal walmis tetta. - Pallus kogokonna Kohut seda asja seletada.

Wastotas Koolmeister Tõnno Mölder et temma Johann Kotkale kats kõrd sest töö palkast, kumaki kõra aigo 5 Rubl kätte andnu nink üts Rubl käerahas, nida et ülle kõige 11 Rubl ärra om masnu, enneki 3 Rubl weel masmada, selle eest et Kattus mes Johann Kotkas katnu, wihma läbbi joosknu, üttelno ka et kui seda ärra parrantat sis se 3 Rubl ärra massetus saab.

Selle peale ütles Johann Kotkas et temma mitte 11 Rubl kätte sanu Tonno Möldre käest kui enneki 1 Rubl käerahas: 

tunnistust ei olle kumbakil anda

Moistus:

Et sel palka masmissel ütteki tunnistust ei olle, sis sai se raha poles arwatus, nida et Koolmeister Tõnno Molder peab Johann Kotkale 6 Rubl 8 päiwa sissen ärra masma sele hone ehhituse eest;   

Moistus sai kohtun käiatele seäduse  perra ette kulutedus, ent es olle kumbeki selle mõistusega rahul, pallusit oppus lehte surema kohtun käemisses wälja.

Peakohtomees: Peter Kullaots XXX

Kohtomees: Jaan Tilik XXX

Kohtomehe assemel: Johann Tido XXX