Ette tulli Peter Pranz nink kaibas, et Karl Pihhor peab temaga wäga suurt riidu nema omma poolemaa pidaja ja Karl Pihhor om tema naist tema oma kopli päält ära ajanu ja wäega wandnu ja sõimanu, mis pääle tema naine põdma om jäänu ka ei jäta Pihhori maja rahwas weel nüüdgi teda rahule ja om ka Liso Pihhor tema wäikest tüttard löönu ja Karl Pihhor om ka mittu kõrd tema zikku löönu nii et sellest kahjo om tulnu ja nüüd nõwwab Peter Pranz ilmaasjanda trotzmise perrast ja naise sõimamise ja latse ja zikku löömise eest 25 Rbl.

Karl Pihor tulli ette ja wastud kaibuse pääle et tema ei ole kedagi sõimanu ei ka löönu ent Peter Pranz om küll tema majan lärminu ja tema naist sõimanu. Ennegi üts kõrd om tüli olnu Peter Pranz naise perrast, mina es luppa teda sanna et tall jalgu man haigus olli.

Liso Pihhor, man saisja Karl Pihhur tulli ette nink üttel, et tema ei ole kunagi Pranzu last löönu ennegi tõrrelnu om et Pranzu latsee wäega roppu omma.

Tunnistaja Liso Naggel tulli ette mansaisja Janson ja üttel wälja, et nema olewat esi henda wahel tülin olnu ja Peter Pranz olewat edimedse sõimu sõna Pihori naisele üttelnu, sis omma nema tõine tõist läbbistku sõimanu ja tüllin olnu terwe söögi wahe.

Mõistedi:

P.Pranzu kaibus om tühjas arwatu Karl Pihori wasta, et tunnistaja om wällja üttelnu, et nema tõine tõist läbbistikku sõimanu omma ent kui tõist kõrd niisugutse kaibusega ette tulewa, sis saab süüdlane trahwitus sääduslikult."

Se otsus om §773 ja 774 perra kuulutedu ja oppus leht wälja antu.

Pääkohtumees K. Lõhmus [allkiri]

Kohtumees T. Pild [allkiri]

Kohtumees Jaan Oppar XXX

Korjotaja asemel P. Normann