Ette tulli Peter Leosk mõisast ja kaibas et rentnil Jaak Jassik ollewat tedda tennistusest wallale tennu ja ärra ajanu karjusest. Süüd olnu et 4 lehma laudan poent ärra wissanu nink 1 lehm 4 päiwal weel perrast temma tenistusest ärra ollemisest poek  ärra wissanu, weel et nüüd Peter Leosk middagi südi ei olle tennu karjale nink tedda ilma asjanda om tenistusest ärra aetu ja weel pälegi trotsnu et sinna ollet nõidnu ehk nõida lasknu, sis nõwwap nüüd Peter Leosk aasta palka, mes olnu 45 rubla rahha ja monas 11 wakka rükki, 7 wakka keswi, 4 punda sola, 2 punda heringat ja 1 lehma ülle talwe piddamisse eest 10 rubla, 2 lamba ülletalwe piddamise eest 6 rubla ja 1 pund linno ja 1 paar saapid nink säduse perra trotsimise eest ka trahwida waeste ladiku hääs nink ei tahha ennamb tenistuste taggasi minna. Tunnistaja ollewat ärraajamise man 1. Jaan Russ ja 2. Jaan Parts.

Rentnik Jaak Jassik ütles et se assi olli nida, et Peter Leosk olli minno karja pääl nink minnol heidiwa 2 lehma karja man poekt ärra nink sis jälle 2 lehma laudan nink minna kõnneli sedda asja pääkohtomehhele et mes pea minna selle karjapoisiga teggema et minna ei wõi omma karja uskuda temma kätte eddesi sis arwas pääkohtomees et kül wist parrembat nõwwo ei olle kui seni ajani tõist tööd anda kuni se assi om kohtun selletadu nink selle päle es aja minna tedda mitte tenistusest ärra enge aija tedda tõise töö manno koni minna olle perra kullelnu kuis se assi om tulnu ent temma es lähhe mitte tõiste töhhö nink läts hobis ärra ja minna ütli ka et enne ei tohhi tenistusest ärra minna kui kohhus om mõistetu nink et Peter Leosk ülle kelu tenistusest ärra om lännu sis nõwwa minna aasta palka kui Peter Leosk minnu jälle häste tenib eddesi sis wõtta minna ka tedda tenima taggasi nink et minna tedda olle tenistusest keeldnu ninktöhho käsknu minna, sedda wõib tunnistada Jaan Russ.

Otsus:Tunnistaja tõises kohtupäiwas kutsuda.

Se otsus om kulutedu.

Pääkohtumees Jürri WAldmann

Kohtumees Tannil Oinas

Kohtumees Tannil Purge

Kirjotaja /Jõggewa/