Selle sammal päiwal kaibas Ahjamoisawallitsus, et Otza Johan Kutzari ei olle kah tämba päiwani weel omma Kewajast Majarenti ärramaksnu, nink näudis et nisuggust holetud Innemist Jürripäiwal 1873 Majast lahti moista, selle Asja perrast sai läutud, et Otza Johan Kutzari sedda Renti Kontrakti perra jobba Jürripäiwal s.a. ärramaksa piddi.

5.mal Mai kuu päiwal s.a. kutsutud Moisawallitsusse Kaibuse päle Johanid Koggokonna kohto ette ja wabbandas siss Johan et temmal mitte weel woimalik ei olle sedda Wülgrenti ärramaksa, toll sammal körral om Koggokonna Kohtu Otsus olnu, et kui Johan 2 Näddali perrast Wölg Renti ärra ei maksa, siss saap Auktioni wiisil se Wölg tassutud.

3. Nowembril s.a. kaibas Moisawallitsus jalle, et kah tämbapäiwani ei olle Johan weel mitte Krossi sest nimmitud Wölg Rentist, mis 75 Rbl 25 kop suur, ärramasknu.

Koggokonna Kohtu Otsus, sest nimmitud päiwast om: Johan peab nüüd sedda Wölgu 6.dama Novembrini ärramaksa. Johan lubbas maksa.

Tämba sel 17. Novembrini Johan selle wölla päle enneki 50 Rubla ärramaksnu.

Johan Kutzari ettekutsutud ja se Assi temmale ettepantud, pallel ikkes weel kannatamist.

Kui nüüd agga Koggokonna Kohtul teada om, et Johann Kutzaril ilma sedda Moisa Wölgu, mis ülle II poole ajasta Renti, ketta kah warsti maksa tulleb, jobba 100 1/2 Rubla om, ent sedda, mis tullewal Jürripäiwal maksa tulleb ja 75 1/4 Rubl suur om, mitte ei arwata , weel paljo muud Wölga om, ketta Ossas sis jobba ülles antud om, nink kea, kui kikk maksa peab, temma Warrandus ennamb ammoki ei kaalu, ni kui kah, et temma omma holetusse, Joomisse nink Kurja Tööde perrast paljo kahju saanu, ja ütsinda neide perrast Wöllade sisse om saddanud, siss sai moistetud: 

Johan Kutsari Warrandus warsti Kohto alla panda, Auktioni wiisil ärramüa kik Wöllad ärramaksa ja Jürripäiwal 1873 Maja kaest arrawötta.

Se moistminne sai kalutud §772 & 773 jarrele.

Peter Akkert XXX Jaan Tennosar XXX Widrik Harkmann XXX 

Josep Koor XXX