Kaibas Ahjamoisa Sawikoa Waht Kristj Sarwa et se Sawikoa Töömees Jaan Jaas om sält Sawikoa mant 3 1 1/2 Tolli Lauda warrastanu nink Kurrsitahe omma Wellele wenu, kea Tislar om. Lawwad ommawad Ahjamoisa perris, nink päleki weel, neid laude Ahjamoisa Töhobbesega, kelle temma ilma lubbata wöttnu, ärraweens.

Jaan Jaas ettekutsutud, wastotas, et temma sest middagi ei tia, siski ollewad ühhe lawwa Imste Seppa käest ostnu nink omma Wellele Kurristahe weenu, et temma Moisa hobbest selle tarbis wötnu, es salga temma.

Tunnistaja Rein Pung ütles wälja, et temma om enneki näinu, et Jaan Jaas Weewiddamisse man lawwa tükki prukinud, nink neid ehk taggasi toomata jätnud.

Parzi Marri ettekutsutud ja küssitud, ütles wälja, et temma om näino, kui üts mees, kea nisamma likkatanu, kui Jaan Jaas, Moisa laude enne Walged Wankre päle sätnud, ketti ni paljo päle pannud, et Reddeli täus saanu nink siss ärrasöitnud, lawwa olnud lühhikeses lõikutud olnu, Maja Rahwa kaest se perrast küssiden, üttelnu Perremehhe tütter Mai, et se Mees Jaan Jaas om, kea neid laude warrastanu.

Jaan Jaas wastsest ettekutsutud ja temmale se Tunnistust ettepantud, es moista essite middagi wastotada, perrast ütles, et se samma körd olnud, kui temma sedda lauda weenu, ketta temma Imste Seppa käest ostnu. Ent selle man olli temmal meelest ärra lännu, et sedda ostetu lawwa Weemist ühhe toise Tee pittin, enne olli arraselletanu, ja nüüd Parzi Marri Wälja Ütlemisse perra töine Tee olli, kost temma söitnu, mudoki moiste opis töine körd, ni kui et üttest lawwast mitte reddeli täus ei saanud.

Sai moistetud: Jaan Jaas peab Ahjamoisale kolme Warrastetu lawwade est 1 Rubl 20 kop nink Wargusse est 4 Rubla Waaste Ladiko sisse trahwi maksma.

Se Moistminne sai §772 & 773 jarrele kalutud.

Peter Kutzari XXX Peter Akkert XXX Jaan Tennosar XXX Widrik Harkmann XXX 

Josep Koor XXX