Sell sammal päiwal tulli et Imste Sepp Hindrik Krips ja kaibas ülle Perremehhe Kondra Jaani, et se om temma Seppa koast mitme suggust rawwa kraami warrastanu, kelle seen kah 2 kirwest ja 1 Suure Lukku ja 1 ReeRaud Wöttin; RawwaKraam olles 1/2 Puuda olnu; pallel kahjotassumist ja Kondra Jaani trahwida.

Kondra Jaan ettekutsutud ja se Asja perrast küssitud, ütles wälja, et temma middagi ei tia nink mitte sedda RawwaKraami warrastanu ei olle.

Tunnistaja Jaan Kilk ütles wälja, et temma man olnu, kui Kondra Jaan Seppile tulnu nink kui temma ommast Kottist kik suggust RawwaKrami wälja puistanu om Sepp Hindrik Krips Kondra Jaani käest küssinu, kas se kah kik temma raud om, ketta temma ommast Kottist wälja puistanu, kelle päle Kondra Jaan üttelnu et se kik temma raud om. Kui nüüd Sepp Hind. Krips agga üht ja töist tükki wistist ommas ärratundnu, kea temma koast warrastadi nink nüüd Kondra Jaani kottist wälja tulliwa, andnu kah Kondra Jaan jobba perra ja üttelnu, et temma ei tia, kost temma neid raude om saanu. Neid Rawwatükki agga olli 6 naela, ketti Sepp ommas tunnistas ja Kondra Jaani Kottist kätte sai.

Tunnistaja Jaan Killak, Kurristast, ettekutsutud, ütles wälja, et temma minnewa ajasta Sepp Hindrik Kripsi man Poisis teenma olnud, nink siis Kondra Jaan ühhel päiwal Seppikoa mannu tulnu, kui temma ütsinda säl olnu, nink SeppaKoast, kos 2 Reerauda nukkan seisnu, üht wötnu ja omma Ree alla lasknu lüwwa, üttelden, et se temma omma ollewad.

Widrik Harkmannil, Kea agga 2 ReeRauda sinna Seppa Kotta olli weenu, olli üts säält ärrawarrastetud. 

Sepp Hindrik Krips tunnistas, et temma neid katte ReeRauda Widrik Harkmanni käest om wasta wöttnu; ent Kondra Jaan ei ollewad kounagi ReeRaude SeppaKotta toonu.

Sai moistetud: Kondra Jaan peab Widrik Harkmani Reerawwa est 60 Kop. nink se Wargusse est 6 Rubla höb. Waasteladikko sisse trahwi maksma.

Se Moistminne sai §772 & 773 järrele kalutud

Peter Kutzari XXX Peter Akkert XXX Jaan Tennosar XXX Wid Harkmann XXX 

Josep Koor XXX Jakob Hanson XXX