Ette tulli Warnschka Zernowa, mansaisja Trohwim Michailow Zernowa ja kaibas et Abram Kikkas ollewat tedda 2 kõrd russikaga su päle lönu nid et suust ja ninast werri wälja juusnu ja nõwwap 50 rubla ja ollewat tunnistaja Hindrik Jakobson ja tütrik Paschka. Süüd olli et minna ütli temmale mes tahhat sinna minnost mäddanu jalg. Rohhi ei olle pruuknu ei olle ka tohtrile näitano. Abram Kikkas ütles et minna ei olle mitte lönu nink ei tija sest minna olli joobnu.

I Tunnistaja Hindrik Jakobson ütles et Warnschka hullas prisikestega nink sis üttel Abram Kikkas et sinna kurrati lits ja warras ka üttel sinna mäddanu jalg nink sis leije Abram ent mittu kõrd sedda ei wõi üttelda.

II Tunnistaja Paschka ütles wälja et 2 kõrd leije kül Abram Kikkas.

Mõistet: Abram Kikkas peap 2 rubla Warnschkale walorahha masma ja 20 kop. neile kes tedda kohtu manno omma tonu .Omma lepnu et 4 rubla massap Abram Kikkas.

Se mõistmine om § 773 ja 774 perra kulutedu.

Pääkohtumees Jürri Waldmann

Kohtumees Tannil Purge

Kohtumees Hindrik Massa