Ette tulli Andre Purge Wastselinast ja kaibas et Märt Wannaseme ollewat temmale wõlgu:

1. wankriga Tartun käünu selle eest - 2 rubla

2.pool wakka karu lainanu kottiga  -  1 rubla

3. 1 mõõt röä jahhu lainanu             -  1 rubla 20 cop.

4.puul mõõtu suurmit lainanu                        80 cop,

                                                     ---------------------------

                                                 Summa  5 rubla

Andre Purge pallep sedda 5 rubla temmale wälja mõista ja om tunnistaja Hindrik Zirel. Märt Wanaseme ütles minna käwe kül Andre Purge wankriga Tartun ent minnu wankri olle selle eest temma käen 2. karapurru weidikese olle kül wõlgu 3. röäjahhu olliwa kahjo tassomisses, sest Andre Purge tõugas minno leiwaküna ümbre nink olli allamb mõõt 4.suurmat massis Andre Purge wina eest. Tunnistaja Hindrik Zirel Wastselinast ütles wälja et wankri olliwa kül Tartun käünu ent mes eest sedda ei tija nink mõõtu röä jahhu ei tija ka mes eest andis wõttis kül kortin wina nink es massa Andre Purge mitte rahha ent wankri olliwa kül wasta, ent nendega es wõi middagi tetta.

Mõistet: Märt Wannaseme peap sis wankri eest 50 kop. ja kara eest 50 kop. Andre Purge hääs masma ülle kiige 1 rubla.

Se mõistmine om §773 ja 774 perra kulutedu ja oppusleht wälja antu.

Pääkohtumees Jürri Waldmann

Kohtumees Tannil Purge

Kohtumees Hindrik Massa

Kirjotaja /Jõggewa/