Ette tulli Jakob Kõiw ja kaibas et Johan Kõiw Wastselina mõisast ja Johan Kukli Wastselina wallast ollewat enne Jaanipäiwa ösel 10 Junil temma maggamiskambre usse manno tulnu, klopnu usse päle ja üttelnu et juhhata meile tütreka nink Jakob Kõiw üttelnu et minna ei tija nink tõist kõrda jälle weel üttelnu et tulle ja juhhata häste nink sis kiwwiga pähha nakkanu pesma ja hamba suust mahha pesnud nink kui Jakob Kõiw appi tännitanu sis Johan Kukli pistoli wälja tõmmanu nink laske ähwardanu. Jakob Kõiw pallep nisuggutsid röwlid säduse perra trahwida ent tunnistajid ei olle muud kui sullane Jaan Nabba ollewat sedda appi tännitamist taren kuuldnu.

Johan Kõiw wabbandas hennast et temmale enne kats kõrda kohtuhe kutsmine mõisawalitsuse läbbi teda antu nink kui kaibus saije ette loetus sis wabbandas temma et temma ei olle mitte Juh. Kukliga Jakob Kõiwu pool käünu ja ei olle mitte tedda pesnud. Johan Kukli om sanu kutsutus, ent ei olle selle kohtu ette tulnu ja ei lubbat ka tulla.

Otsus: Et se kaibamisse perra se pesmine üts röwimine om olnu, sis Utte Keiserliku Maakohtu kätte  anda.

Pääkohtumees Jürri Waldmann

Kohtumees Tannil Oinas

Kohtumees Tannil Purge

Kirjutaja /Jõggewa/

Protokoll wälja sanu sel 14.Septb.