Perrisherra Baron Maijdell olli kirjaga kaibuse wasta omma puumeistret Jaan Aija sisse andnu et Jaan  Aija om wõtnu mõisa hobbesetalli aigsaste kewwade pole sel aastal walmis tetta ja Hindoalla weski nink tammi Jaanipäiwas walmis käest anda, ent nüüd om süggis nink ei olle weel tall, weski ei tamm walmis. Leppingu perra piddanu Jaan Aija ne ehk kattessa mehhega töle tullema nink Aija ennembaste katte nink ka nelja mehhega töön olnu. Et nüüd süggis tullep nink selle holetuse läbbi Baroni herrale suur kahjo saap sis pallep kohhut Jaan Aijale trahw mõista ja kulutada et kiik kahjo mes selle holetu ehhitamise läbbi tullep Baroniherrale ehk Hindoalla weski rentnikule sedda kannap kiik Jaan Aija. Kui Jaan Aija arwap et temma 1 Septembris walmis ei jõwwa sis nõwwap Baroni herra lubba Jaan Aija kuhi päle töömehhi manno palgata. Jaan Aija saije ette kutsutus, kaibus ette loetus nink ütles et se terminn om kül õige ent kauba perra piddi minna päle  Kündlepäiwa 2 näddalit tühü tullema nink minna tulli tööd nõudma ent Baroni herral es olle Materiali man nink ei olle ka nüüd weel kiik täwwelik material man et ehhitada wõis.

Mõistet: Trahwitus ei wõi Jaan Aija sada et selge ei olles kas material om täwweste man olnu wai mitte sest Jaan aija salgap, ent kahjo mes holetu ehhitamise perrast tullep, sedda kannap Jaan Aija nink kui Jaan Aija holetuste tööd teep, sis om perrisherral lubba Jaan Aija kulu päle abbi töömehhi wõtta et töö ehk ehhitamine warramba walmis saap.

Se mõistmine om § 773 ja 774 perra kulutedu.

Pääkohtumees Jürri Waldmann XXX

Kohtumees Tannil Oinas XXX

Kohtumees Tannil Purge XXX

Kirjotaja /Jõggewa/