Leidandmed | EAA.1144.1.2 |
---|---|
Kaader | 72,73 |
Daatum | 09.05.1886 |
Protokolli number | 44 |
Protokolli teema | 4. Perekonna- ja pärimisasjad |
Märkused |
Kohtumehed | |||
---|---|---|---|
Eesnimi | Perekonnanimi | Täisnimi | Roll |
K. | Lõhmus | Peakohtumees | |
Tannil | Pilt | Kohtumees | |
Jaan | Oppar | Kohtumees |
Ette tulli Peter Ollesk ja kaibas ommi wähhembide wellede ja sõssare wöörmündrid Peter Erik ja Jakob Erik päle holetuse waeste laste warranduse üle walitsemise perrast nink nõwwap sedda puduwa waeste laste warrandust neide wöörmundride käest wälja moista, sest 2 aastat taggasi wõtnu wöörmündre se warranduse Peter Olleski käest wälja ent nüüd puuduwat sedda warrandust:
1. hobbese rahha, mes 40 rbla wäärt olnu ja 30 Rbla eest ärra müdü pudup 10 Rbl.
2. lehmä rahha pudup 20 Rbl.
sest et õhw om 5 Rbla eest 25e Rblalise lehmä assemel müdü.
3. zea rahha 15 Rbl.
4. 38 mõõtu rükki 42 Rbl.
5. 38 mõõtu keswi 24 Rbl.
6. 38 mõõtu karu 25 Rbl.
7. 8 sälg korwi täüt hobbese kaaru a' 3 wakx 25 Rbl.
8. 10 wakka kartohwleid 4 Rbl.
9. 4 mõõtu linaseemnid 8 Rbl.
10. Rahha protsent et se eennimitu warrandus 2 aastat taggasi ärra ei ole müdü 25 Rbl.
Summa 203 Rbl
Toiselt nõwwap Peter Ollesk neide wöörmündride käest hendäle:
1. omma wõtnu 3me wakka maa tõugu wastu kogukonna kohtu moistmise selle eest nõwwap Peter Ollesk 20 Rbl.
2. ütte wakka maa ristik haina eest 15 Rbl.
3. pole kapsta aija eest 15 Rbl.
4. teggemäta jänü ütte wakka maa rüä eest 30 Rbl.
5. Tõwwu ja rüä põhhu eest 20 Rbl.
6. rüggäole kündmise eest 5 Rbl.
Summa 105 Rbl.
mes Peter Ollesk wöörmündride käest hendale nõwwap.
Wöörmündre Peter Erik ütles
1. et se assi sais kiik kohtu käümise al nink selle perrast es woi sedda hobbest mitte enne ärra müwwä.
2. lehm om ka oksinni pääl ja 1 õhw ärra müdü.
3. zigga saije ka oksinni pääl müdüs
4. 38 mõõtu rükki om 2 assta laste söötmise päle ärra kulunu.
5. 38 mõõtu keswi nisamma
6. 38 mõõtu karu nisamma
7. hobbese kara saijewa hobbesele södetüs
8. kartohwlid ei oleki jaggatu
9. linaseemneid ei ole ka meije sanu.
10. Rahha protsenti ei ole ka massa sest et sedda warrandust es woi enne ärra müwwa kuni kohhus otsa saije.
Tõiselt: kreiskohhus kinnitas koggokonna kohtu moistmise et se maa lääp Peter Olleski ja wähhembide lastega poles nink tõugu ei oleki sanu muud kui pool rükki enne ja pool haina maad piddi sama, ristik haina es ole nink pool kapstaaida saije kohtu moistmise perra woetus nink röä maa wõttis Peter Ollesk ärra et rügga tetta es sa nink rügga ole kündmisest mina ei tija.
Otsus:
Jakob Erik ka tõises kohtu päiwas ette kutsuda.
Pääkohtumees K. Lõhmus [allkiri]
Kohtumees T. Pild [allkiri]
Kohtumees Jaan Oppar XXX
Kirjotaja J. Jõgewa