Ette tulli Ado Rebbane nink kaibas, et sel 21.Junil Holsta kõrtsin Peter Wider (Wastselinast) temma pilli ärra wõtno, temma küssino taggasi ent P. Wider tahtno ½ toopi wina nink temma ostno 1 kortin, sis kutsno P. Wider tedda kõrtsi taade sääl temma annap kätte nink temma länno sis wõtno P.Wider nink üts tõine tedda sääl kinni nink wõtno täl rahha kotti  kos 12 Rbl. rahha nink mõnne Kwitungi sissen olno, ärra.

Ette kutsuti Peter Wider nink loeti eenseiswa kaibus ette, ent temma ütles, et ollew Holsta kõrtsi tulno, sis puhkno Ado Rebbane pilli nink temma üttelno ne pilli omma ärra rikkuno, sis üttelno Rebbane  kas sinna mõistat parrandada nink temma üttelno parrandaja ollewat, sis andno A.Rebbane pilli temma kätte nink temma pandno penki päle, säält olno pill ärra kaddono, sis wimate länno temma wälja, nink kõrtsi otsan tulno A. Rebbane järgi, nink üts wõras mees üttelno wanamees ärra jäta omma pilli, nink tougano Ado Rebbase tälle päle, nink nemma saddano mõllemba mahha, ent rahhast ei teedwat temma middagi.

I. Mai Klopka andis tunnistust, et nemma mõllemba sääl joobno omma olno kõrtsi otsa man nink ka töinetöist ümbre wõtno.

II. Tunnistaja: Pawel Affsei Malakarramukni küllast Petseri kantori alt (ei olle siin een olno).

III. Tunnistaja: Ignas Stephan Jõksi küllast Panikowitsa kantori alt (ei olle siin een olno). 

Et se assi ülle 10 rbl weert om sis ei wei siin mõistust tetta Tallorahwa sädusse ramato 1860.a. § 1070. järgi.

Päkohtomees Jürri Waldmann

KohtomeesTannil Oinas

Kohtomees Tannil Purge

Kirjotaja /allkiri/

Copia wälja kirjutet Keisrl. Wõrro Ma kohtule.