Ette tuli Mõtsawalitsuse nimel J. Moor ja tõstse kaibust Holsta kortsimehe Jaan Kiidli pääle, et wiman sel 26 Mail 6 lehma mõisa mõtsa all olnu ja palle egga lehma päält 1 rubl. mõtsa walitsus hääs wälja mõista. - sedda on mõtsa waht Jaan Wiitkin kinni wõtnu.

Jaan Kiidli oli kutsmise pääle ette tulnu ja andse selle kaibuse pääle wastuses, et minnol 6 lehma ei ole ennegi 4 lehma ja 1 õhw, ja minna sellest mittagi ei tija. - ja kuulen tämba eddimast kõrda.

Mõtsawaht Jaan Wiitkin ütel, et mina olen 6 lehma mõisa mõtsa alt kinni wõtnu.

Selle pääle es ütle kohton käija ennamb mittagi ütlemist olewad, sis

Mõisteti

et kui Mõtsa waht karja kinni wõtse piddi perremehele ütlema, et karri kinni on woetud, aga et sedda sündinu ei ole, sis Mõtsa walitsuse kaibus tühjas tettu.

Se kohto otsus saije kohton kaijel ette loetus ja ärra selletedus.

Kohtomees Jaan Järw [allkiri]

       "             Peter Juk [allkiri]

abi    "          Jaan Wärs [allkiri]

Kirjotaja: Piirisild