Mai Sõru kaibas et temma poig Jaani, kes 16 a. ja ta Lusti Märt Wõbuse karjus, Jaan Mosesse, karja man omma naiseg lönu russikaga kukruho, otselde mahha ja jalgega sõknu sälga, ni kui se pois essi, ka tõendas, selleperrast et 1 pois olnu temma herne rõugu pääl. Se pois olla nüüd häddalissest sanu.

Kaewataw Jaan Moses salgas et ta ei olla peksnu, meie josime ennege n. sattame poisiga mõllemba mahha, ei sanu kät temma külge, naine sais kerge rõugu m.

1. Tun. Johan Woitka, Lusti Märdi sullane tunn: pois läts põrsad herne rõugu pält ärrä ajama, selle päle tulli Jaan Mosesse n. taht põrsat kinni ajada, ent ei sanu, kunna se pois se porsa koeraga ärrä ajanu, selle päle wõtta se karja poisi kinni ja olliwa maan säljan, minna lätsin poisile appi, kos weel ta põlwile poisil säljan olli, kui ta ülles tulli, siis wärrises ta ennege.

Kaewataw Jaan Moses pallub hendale tunnistajast ette kutsu

1. Peter Pritzberg ja Michel Mähkalla.

Moisteti: Et 15. Oktobrist s.a. need tunnistajad ette kutsu ja se pois kreistohtrel läbbi kaeda laske.

Se otsus sai k. k. kulutud.

Pä kohtomees Karl Tattrik

Kohtomees Johann Sternwelt

Kohtomees Hendrik Thür

Kirjotaja F. Thal <allkiri>