Leidandmed | EAA.2801.1.3 |
---|---|
Kaader | 54,55 |
Daatum | 23.12.1866 |
Protokolli number | 42 |
Protokolli teema | 8. Varavastased kuriteod |
Märkused |
Kohtumehed | |||
---|---|---|---|
Eesnimi | Perekonnanimi | Täisnimi | Roll |
Jaan | Uint | Peakohtumees | |
Andres | Tageperra | Abikohtumees | |
Hans | Walgerist | Abikohtumees |
Suure Kongota walla mees Jaan Tõnga kaibas, minnewa pühapäiw lätsi minna selle moisa monamehe pojaga Peter Jwask nimmi kes Kongota wallan tenib temma Essa poole. Peter Jwask läts tõise monatarre manno Essa poole nink minna gäie edimatse tarre manno, mis tõisest tarrest saada sammo kaugel om. Minna (Jaan Tõngo) lätsi sinna tarre kos kandimees Jaan Pajo ellab, nink pandsin henda püs läwwe körwale wälla, Jaan Pajo olli körwal kambren nink soolas lihha, selle wahhe sehen kui minna tarren iste käis Pajo paar kord tarren, nink kõnnel minnoga mõnne Sõnna.
Tükki aja perrast lätsin minna minnema nink tahtsin tõise tarre manno minna kos Peter Jwask läts, kui wälla lätsin löisin et minno püss olli erra, minna arwasi edimalt et Jaan Pajo nalja perrast erra wõtnu, Ent Jaan Pajo üttel minna ei olle sinno püssi koggonist nänno pääle selle tulliwa ka tõise kundimehe kes sääl Majan ellawat, nimmelt Johan Amon, Karl Losik, nink Hans Huik nink käsksiwa keik läbbi otsi, nimmetedu kats poisi otsnuwa ent ei olle löidnu. Saksa mötsawaht Peter Timmer olla ka otsmise man.
Selle perra üttel Jaan Tõngu Jaan Jwask Arromoisa monamees üttel mulle temma om nänno kui Jaan Pajo henda läwwe een püssi kaeno.
Jaan Jwask kutsuti ette nink üttel se om õige minna nägin kül.
Jaan Pajo kosti se olli perrast otsmise aigo kui Peter Jwask sinno poig henda püssiga sinna tulli sis olli temma püs minno käen, selle et poisi tahtsiwa püssiga lao pääle minna.
Jaan Iwask gäie selle manno et temma poig siis weel henda pussiga temma pool ollu kui Pajo töise tarre man püssi läwwe een kaeno.
Nimmitedu tõiset monamehet olliwa ette kutsutu ning ütliwa meie ei olle nänno et Pajo püssi om wõtnu nink ei tija middagi tunnistada kui ennegi meie Maja saige läbbi otsitud nink es löida püssi.
Monamehe Jaan Jwask tunnistuse perra arwas kohus et Jaan Pajo kaen se püss om, nink
Moistis
Jaan Pajo peap kattesa päiwa sehen püss kätte andma.
Jaan Pajo tunnist henda jlmsüta ollewat nink pallus Prottocolli.
Suuremba kohto käiminne saige erra selletetus.
Pakohtomees Jaan Uint XXX
Abbi kohtomees Andres Tageperra XXX
do Hans Walgerist XXX