Tulli ette endine selle wolla Arraka Tallo perremees Hans Kirp nink pallus temma nink Peter Jönsoni wahel selletust tetta temma oksjoni ülle mis Aasta 1857 temmale tetto om.

Kutsuti ette need kohtomehet kes siis olli ollu

1, Jaan Koch ning koste küsimise pääle minna ei tija sest oksjonist middagi.

2, Karl Koch ning koste minna ei tija middagi Peter Jonson olli kirjotaja nink krami müija.

3, Jaan Reiman nink koste minna ei tija middage.

Päle selle saige Hans Kirp küsitus kui suur sinno wõlg olli mis perrast sulle oksjon tetti nink kui paljo sinno teedmise perra oksjoni rahha sisse tulli.

Hans Kehrberg (Kirp) koste minno wõlg olli 

1, Moisale 40 R. 20 kop.

 Maggasi   18    "   -      12 wakka Rükki  eest

   do          9    "   60 k.   8   wakka Keswa eest

Summa  67 R   80 K.

Nink minno kraam mis oksjoni pääl teggi ülle keige wälla 77 R 35 kop. weel üttel Hans Kirp woin minna nimmelt ülles anda mis ja kes.

Pääle selle kaibas weel Hans Kehrberg et temma Kirst pääle oksjoni weel Arraka aita jänu ning enne oksjoni 2 nädalit pandis Jönson minno Kirst kolme petsadiga kinni, nink om perrast kui minna joba arra olli seda kirsto henda manno wiino; Jaan Maalman tunnistajas nimmitedu aste ette kes seda kirsto olli awitano pääle tõsta üttel et se kirst om raske ollu.

Kirston om ollu 4 willast undriko 1, undriko täis liinan tetto lango 1, wastne willane tek 2 naiste ning 1 meiste kampson 15 wastset amed 1 Losikenne nink 1 jakku kangas 3 paari täis tribulitsi linnast püksi rõiwast.

Se töine rõiwa trull om P. Jönson kirsto kinni pandmise aigo kirsto wisanu ning perrast om Kirst Jonsoni poole wido. Seda tunnist too ajane Abbi kohtomee Jaan Wester ent  nuod is kirston es woi temma tunnistada sest et lawwe pääl saisnu.

Ülle selle andis Hans Kirp ülles mis Peter Jönson enne oksjoni temma käest erra wiino

1 wak Linnaseemnit 1 wärwito Laud 1 Lihha tün 1 ümmine Leppa annom ning 1 Öhwakenne.

pääle Oksjoni om wiino mis kirjotamada jätnu  3 1/2 Aastane orrik sigga, 1 wastne Sark nink kask om Moisa toodo oksjoni aigo ning pöningule wissadu kos nemma erra mädanu.

Kutsuti ette Peter Jönson  Meie wahhe saige keik selletetus ning pääle wimatse selletusse jäie Hans Kirp mulle weel wõlgo 60 R kelle pääle temma mulle kwitong and mis kohtule joba ette olle näidano, sellest olle minna kätte saanu 12 R 35 kop. nink om weel saada 47 R 65 Kop ninl nowwan Aasta eest 5% Rubla päält. muud minna ei tija

Kohtomeeste nimmed XXX

Selle wastastikko kaibuse perra ühhendiwa henda keik koggogonna kohto liiged selle mõistusele

Et Peter Jönson ni kui nimmitedu 2 tunnistajat tunnistawa kirsto henda manno wiino jlma et töisile kohtomeestele näitano olles mis sääl sehen olli

Saige moistetus

Peawat mõllembat rahhul jääma.

Suremba kohto käimonne saige erra selletus.

Peter Jönson wõttis Protokolli wälla !!

Päkohtomees Jaan Uint XXX

Abbi kohtomees Andres Tageperra XXX

     do     Hans Walgerist XXX

Kirjotaja H Waldner [allkiri]