Koon olliwa kik kohtomehhe ja walla Wannemb. 

Peter Mölder Soldat nouwab omma katte welle, Kasper ja Hans Möldre käst, to word warrandus mes temma enn Nekruti mennegi neide katte welle katte Maija piddada oll andno nink nimmelt:

Hans ja Kasper Mölder tunistawa sedda noudmist oige olewat. Ent kumbagi es tahha massa, selle et se Maija warrandusse jaggaminne, mis mennewa Kiwwajal sei teddus, mollembal wellel meeltmöde es olle, ja ikka üts arwab kahju ollewat sanu. 

Kohhus kultse ülle, ja olli neide jutto perra arwata et Maija kraamist ennamb Kasperi katte kui Hanso kätte seij.  Kui suur se wahhe om, miss Kasperi kätte rohkemb warrandus olli sanu es jowwe neid essi ka ülles anda, selle et nemma kolmekesse kokko juwwo Sangastan ütte Maija, jaggamatta warrandussega ommawa piddanu, ja perran Antsmoisan mittu ajasta jälle ilma jaggamatta warrandussega maija Hans ja Kasper kokko piddanu ommawa. Leppmisse man jätse Soldat Peter Mölder weel 7 1/2 Rubel ommast noudmist mahha, nink et neide katte welle Kasper ja Hansu wahhel leppmist es sünni sei kohto polest moistetu et Kasper Mölder 40 Rubl. ja Hans Mölder 30 Rubl. omma welle    Moldrille peab masma. Soldat Peter Mölder andse weel perra et kui welli Kasper nüd 20 Rubl. ärra tassub, jättab temma teise 20 Rl. ni kawwas wollan seni kui temma Soldati tenistussest jälle taggasi tullep. 

Päkohtomees Karl Zimmer kulutas neile kis sedda moistmissega rahhul ei olle peab 8 paiwa perrast kihhelkonna kohtun kaiwata. 

Karl Zimmer XXX

Rein Anton XXX

Märt Lüüs XXX

Sacher Pik XXX

Davit Kaar XXX

Rein Joab XXX