Pangotin sel 22. Oktobril 1871.

Man olliwa: Päkohtomees Hendrik Kotkas

Manistja Peter Küllaots

dito Hindrik Pastak

Kaibas Peter Sonberg, et se perremees Hans Speck temma lamba kinni aeanu, tema lännu sis omma poea Mihkliga neid ärra aeama, lännu Hans Specki mannu, kes kattuse pääl kattust parrantannu, neide lammaste perrast kõnnelema nink tema poig Mihkli lännu selle aea sissen lauta lambid ülles otsima, sis om Hans Speck kattuse päält mahha tulno ja temale sis raud lapjuga pähha lönu, ni et pä wäga kätski om lännu nink paljo werd walja jooksnu. Tema om sedda hawa sis Walla wannembale näidanu nink näidas ka nüüd weel koggokonna kohtole. Andis tunnistajas Peter Kettner. Nüüd nõwwap oma terwüse rikmise eest 200 rublat hob.

Hans Speck wastas, et se Peter Sonbergi poig Mihkli tulno tema pole lambid ärra aeama, ent soimanu perrenaist söimanu, sis sepäle ei olle se ka temale ommi lambid kätte andnu. Tõist korda tulno Peter Sonberg essi oma poea Mihkliga. Michkli länu lambid otsma nink Peter Söonberg tulno essi mannu ja sõimanu tedda wäega. Temma tulno kattuse päält mahha häbbistannu sedda Peter Soonbergi, ent se nakkanu tedda rangaste kärbisega pesma, ja sis piddanu temma ka hädda läbbi selle Soonbergile wasto wõ...   

Hans Speck es woi henda küllen mitte üttegi kärbise lömise märki ette näidata, et se Peter Soonberg, nikui Hans Speck essi utlep - rängaste pesnu ollewat.

Tunnistaja Peter Kettner tulli ette nink tunnist et se Hans Speck tulno kattuse päält mahha, wõtnu raud lapju nink lönu enne sellega Peter Sonbergile pähha, sis karranu tema Peter Kettner neile wahhele nink wõtnu selle Hans Specki käest se raud labida ärra, ent se om haarnu sis jälle kattuse lapju ja lönu sellega selle Peter Soonbergi käe päle ni ruttu et tema Peter Ketner ei olle sedda lömist keelda sanu, ja ni wihhaste, et se labju om katski lännu nink Peter Soonberg mahha kukkunu ja ei olle perrast omma kät woinu suggu ki ülles tõsta. Peter Soonberg ei olle sanuki ennamb selle Hans Speckile lüwwa. Kui Peter Soonberg om werrine maan ollu, sis tulnu ka weel tema poig Mihkli senna mannu

Wallawannemb Johan Waldson tunist, et tema kaenu sedda hawa selle Peter Soonbergi pä küllen ülle ja se ollnu hirmus werrine ja kätt ei olle woinu ka se Peter Soonberg ülles tõsta.

Otsus:

Selle et se Hans Speck mõrtsuka wisil peksnu ja pea surma hobi selle Peter Soonbergile om andnu, sis ei woi koggokonna kohhus mitte sedda ärra mõista nink saap sis se kaibuse assi Utte Keiserlikko Tartu rae Silla kohto kätte selletada nink moista antus.

Päkohtomees Hindrik Kotkas XXX

Manistja Peter Kullaots XXX

dito Hindrik Pastak XXX